VORFERÐ Í HÚSDÝRAGARÐINN

Í ár fer leikskólinn Seljakot í heimsókn í Húsdýragarðinn í Laugardal til að sjá nýfæddu lömbin og fræðast um dýrin. Farið verður með rútu frá leikskólanum í húsdýragarðinn en þar mun starfsfólk garðsins taka á móti okkur. Hópnum verður skipt í þrennt og hver hópur fær klukkustundar leiðsögn um garðinn með einum starfsmanni hans. Starfsfólkið mun leyfa börnunum að nálgast þau dýr sem hægt er og knúsa þau. Hóparnir þrír hittast aftur í lok leiðsagnarinnar. Þá verður öllum boðið í pylsuveislu áður en haldið verður heim á leið í rútu.

Foreldrar eru hvattir til að koma með í þessa ferð enda einstakt tækifæri fyrir börn og foreldra þeirra til að fá leiðsögn um garðinn og komast í snertingu við dýrin á þessum skemmtilega tíma ársins.

Foreldrar sem kjósa að fara í garðinn á einkabílum greiða aðgangseyrinn fyrir sig kr 600 við innganginn að garðinum^*.

Leikskólinn Seljakot og stjórn foreldrafélagsins