Í dag kom sögubíllinn Æringi og las sögu fyrir elstu börnin.

Hér má sjá æringjasönginn

Æringjasöngurinn
Æringi þú ert okkar bíll í borginni í dag. Börnum segir sögur, þú hefur á því lag.
 Inni í þér eru ævintýrin ótrúlega snjöll.
 Um dverga, drauga og drottningar, dordingla og tröll.
 :,: Æringi, Æringi, Æringi. Vertu velkominn:,:
Höfundur texta: Ingibjörg Hafliðadóttir, starfsmaður Borgarbókasafns..

Úti er alltaf að snjóa

Nú er mikill snjór úti og finnst börnunum gaman að leika sér í snjónum, sumir byggja snjókalla, aðrir búa til snjóbolta eða renna sér á þotum niður brekkuna. Svo er alltaf gaman að renna sér í rennibrautinni og róla.

Bóndadagur og þorrablót

Í dag var Bóndadagurinn haldinn hátíðlegur hjá okkur í Seljakoti og vorum við með þorrablót í tilefni dagsins.

Við hittumst í salnum eftir útiveru og allir voru með þorrakórónurnar sínar. Í hádeginu var svo þorramatur og grjónagrautur.