Menningarhátíð barna  19. – 25. Apríl 2010

Menningarhátíð barna hefst mánudaginn 19. apríl og lýkur sunnudaginn 25. apríl. Þema hátíðarinnar er forvitni.

Seljakot ætlar að taka þátt í menningarhátíðinni í samstafi  við  leikskólana Grænuborg, Lækjaborg og Mýri  og Sólu en hún er sögukonan í sögubílnum  Æringja.  Krummi er valinn sem meginverkefni þar sem hann er einstaklega forvitinn og stríðinn fugl, glysgjarn og þjófóttur og svo er hann spörfugl í ofanálag. Við notum forvitnina sem útgangspunt.

Sóla og sögubíllinn koma í heimsókn í Seljakot mánudaginn 12. apríl, Sóla ætlar að hitta börnin í Koti og Seli í salnum kl. 9:30 og kl. 10:00 býður hún börnunum í Bóli út í sögubílinn Æringja.  Sóla ætlar að segja börnunum sögur af Krumma og jafnvel að semja ljóð um krumma.  Til er fjöldinn allur af íslenskum lögum um krumma, ljóðum og sögum.  Eins og við erum vön í vinnu með börnunum þá látum við sköpunarkraftinn og hugmyndarflugið ráða för.

 Samstarfsleikskólarnir fjórir hafa fengi herbergi í Ævintýrahöllinni Fríkirkjuvegi 11 til að hengja upp verkefni sem fæðast í kringum Krummaþemað.  Í menningarvikunni, miðvikudaginn 21. apríl ætla  börnin í Bóli að heimsækja Menningarmiðstöðina í Gerðubergi . Gerðuberg býður upp á skemmtilega og fjölbreytta dagskrá um krumma fyrir eldri börn leikskóla. Dagskráin er í umsjá Báru Grímsdóttur og Chris Foster  . Í kynningu segir að þau séu frábært tvíeki þegar þjóðleg  tónlist er annars vegar og því um einstaka upplifun að ræða fyrir börnin.

Hægt er að nálgast dagskrá hátíðarinnar á barnamenningarhatid.is.